ahmad abu baker
مثابر جيد
عدد الرسائل : 32
العمر : 34
تاريخ التسجيل : 24/07/2009
 |  موضوع: احداث باب الحاره الجزء الرابع  الخميس أغسطس 06, 2009 5:38 pm | |
|
تغطية كاملة لأحداث باب الحارة 4
ابو شهاب بدبر للثوار اسلحة نووية من ايران وكوبا .. إلو معارف هناك .... واصل الزلمة
وعصام بكمل دكتوراه طب وبشتغل بمستشفى الضبع وبعد الدوام بيفتح كوافير نسوان ويبصير حلاق معلم وبصير يحط واكس للزباين .. وكمان بشغلو عندهم كوافيره ستاتي وبفتحو قسم للمساج
ابو كاسم بغير ديكور الحمام وبشغل فيه خبراء أجانب نخب اول ودايما رجال الحارة عنده
وعبده ببطل يخاف من قصص الجن بيصير زقرت وبيلعب حديد . وبتجوز فلبينية لانهم بدهم يعطوه ليرة زيادة على راتبو
ابو بشير بقلب المخبز تبعه آلي وبفتح جنبه مطعم فول وحمص وفلافل
ابو غالب بيشتري عرباية وبركب عليها مسجل سيارة وسماعات وبشغل عليها موسيقة سيارة البوظة بتعرفوها اكيد مشان يبطل ازعاج وتجعير بصوته وبصير يبيع بطاقات شحن للموبايلات سيريتل وأريبا ( إم تي إن ) وبينادي
(الصبح اشتروك وعالسهرة خلصوك)
مسلم(شغيل أبو حاتم) فتح وسط الحارة كوفي شوب على كيف كيفكـ
أبو جودة صاير معة هلا سيارة همر اخر موديل شرطة. بيعمل تفتيش على الأربع الحارات
والخضرجي فتح سنتر خاص بالخضار بس
الزبال فتح محل مفروشات وديكور وراح يبيع فية كراسي اخر موديل
ومعتز بيركب على خطهم الأرضي كاشف رقم لانو بتيجيه كثير معاكسات . و بيصير يمشي بالشقلوب من كتر ما هو زكرت وبيشتري أفانتي أتوماتيك بالتقسيط مشان يشفط بالحارة..
اما ابو بدر جوز فوزية بصير يلعب كراتيه وبصير زقرت ... وبضلو يستنى معتز عالرايحة وعالجاية مشان يسلخو كف على رقبتو ... قال لانو في ثار قديم بينهم
صطيف بيرجع عالحارة بيكون ابو شهاب ماقتلو بس طخ عليه بفرد صوت .. ووقتها صطيف عاش الدور وعمل حالو ميت .. لانهم كانو يومها يصورو الكاميرا الخفية وبدهم بس يخوفو عصام .... بس مشيت الحركة يومها لاني انا صدقتهم
أبو النار وأبو عرب بروحوا يعملوا شوية عمليات تجميل حتى يشيلوا تشطيبات أبو شهاب من على وجيههم وابو الناربيفتح ورشة حدادة
أبو حاتم بفتح بدال القهوة إنترنت كافيه و بفتح جنبها صالة بلياردو
فريال بتتعرف على واحد من حارة الماوي عالأنترنت (عالشات) وبيحبوا بعض والعرس بالجزء القادم
أبو شهاب بينكمش عم يهرب شاشات سامسونج وبينحط بسجن عدرا 15 سنة
وبيعمل تاتو على كتفوا وبيكتب "الشام شامك ولو الزمن ضامك"
*****
أبو حسن بيشتري 50 موتور سنفور مشان يعطيهون لشباب الحارة لتحرير أبو شهاب
*****
وكلوا كرمال الشام وأهل الشام
يتبع في الجزء الخامس
| |
|
queen
مراقبة عامة
عدد الرسائل : 502
العمر : 36
البلد الموجود فيها : يعبد
تاريخ التسجيل : 23/07/2009
| | موضوع: رد: احداث باب الحاره الجزء الرابع الخميس أغسطس 06, 2009 6:16 pm | |
| ههههههههههههههههههه
احداث غريبة ورائعة!!!!! بس حلوة
وماشالله التقدم وصلهم بسرعة!!!!!!!!!!!
يسلموووووووووو | |
|
